مربي الفراولة دايت (قليلة ااسعرات)

كلنا في مسيرتنا في الدايت بيجيلنا وقت بنبقي عاوزين ناكل مربي و يااا سلااام لو مربي فراولة 😋😋😋🍓🍓
و طبعا مفهوم المربي عندنا انها سكر متغرق في سكر محطوط عليه سكر 😂😂
طيب تقولوا ايه للي هيقولكم تعملوا مربي و من غير سكر خاااالص مالص اه متستغربوش عادي هنعمل مربي من غير سكر يلا ورقة و قلم و اكتبي ورايا يا ست الكل بصوت الشيف شربيني 😂😂
#المقااادير ..
-فراولة (الكمية اللي تحبوها)
-معلقة كبيرة عسل نحل (او اكتر حسب الرغبة و الكمية)
-عصرة لمون
-معلقة بذور كتان او بذور شيا او معلق نشا
.
#الطريقة ..
مفيش اسهل من كدا هنغسل الفراولة و نقطعها ضغنن و نحط عليه معلقة العسل النحل و نسيبها ساعة او اتنين لحد ما تنزل مايتها و نرفعها ع النار
و نحط عليها بذور الشيا او بذور الكتان او ندوب معلقة نشا في ماية الفراوله و نحطها و لو مش مهم عندك انها تكون متامسكة ممكن نستغني عن الخطوة دي عادي خالص
و لما تغلي نحط عصرة اللمونة و نسيبها تستوي و بالف هناا علي قلبكم ⁦❤️⁩⁦❤️⁩🍓

ممكن نعمل ايه بالمربي دي ؟؟🤔🤔
ممكن نعمل بان كيك دايت او نعمل كريب او نعملها كصوص للمهلبية الدايت او نعمل كيك شوفات و محطها عليها او ناكلها كدا بعيش كفطار

المهم اكتبولي عاوزين الوصفة الجاية تكون عن ايه و انا هعكلهولكم ⁦❤️⁩🖤